×

PRADIP YADAV

Member of parliament

ABOUT ME LEADERSHIP VISION & MISSION MEDIA Development CONTRIBUTE Blog

Home Blog

Card image

पर्यटनमन्त्रीलाई सांसदकाे प्रश्न : भाङ खाएर सुत्नुभएको छ कि शुभलाभ पाएर?

काठमाडाैं- सांसदहरुले समसामयिक विषयमा सरकारको ध्यानाकर्षण गराएका छन्।

प्रतिनिधिसभाको शुक्रबार बसेको बैठकमा शून्य समयमा बोल्दै सांसदहरुले घुस प्रकरणमा मुछिएका अख्तियार दुरुपयोग अनुसन्धान आयोगका आयुक्त राज नारायण पाठकलाई कारबाही हुन नसकेको, संघअन्तर्गत निर्माण हुँदै आएका सडक निर्माणको कामको जिम्मेवारी प्रदेशलाई दिए पनि ती सडक निर्माणको काम हुन नसकेको लगायत विषयमा सरकारको ध्यानाकर्षण गराएका हुन्।

सांसद प्रदीप यादवले नेपाल एयरलाइन्सको इन्जिन मर्मत र पाटपूर्जाको टेण्डरमा १ अर्ब ५३ करोड रुपैयाँको घोटाला भएको सार्वजनिक हुँदा पनि त्यसतर्फ सम्बन्धित मन्त्रालयको ध्यान नपुगेको भन्दै सरकारको ध्यानाकर्षण गराए। उनले भने, ‘नागरिक उड्डयनमन्त्री भाङ खाएर सुत्नुभएको छ कि शुभलाभ पाएर सुत्नुभएको छ। कि उहाँको ध्यान त्यसमा पुगिरहेको छैन।’

सांसद डिला संग्रौला पन्तले अख्तियारका आयुक्त पाठकले सार्वजनिक रुपमा घुस लिएको भिडियो ४ महिनाअघि प्रधानमन्त्री कार्यालयमा पुगेको भन्दै अहिलेसम्म किन कारबाही भएन भनी प्रश्न गरिन्।

सांसद दिव्यमणि राजभण्डारीले पूर्व गोर्खा सैनिकहरुको समस्याका बारेमा छलफल गर्न वार्ता टोली गठन गरी बेलायत सरकारसँग छलफल गर्न माग गरे। सांसद बालकृष्ण खाँडले पूर्व गोर्खा सैनिकहरुको समस्याप्रति गम्भीर बन्न सरकारको ध्यानाकर्षण गराए।

सांसद दुर्गा पौडेलले गुठी संस्थानअन्तर्गत भोगचलन गर्दै आएको जग्गालाई धितोको रुपमा लिन सक्नेगरी व्यवस्था मिलाउन सरकारको ध्यानाकर्षण गराइन्। 

सांसद देवप्रसाद गुरुङले तनहुँ, लमजुङ र मनाङका निर्माणाधीन सडक निर्माण कार्य अवरुद्ध भएको भन्दै तत्काल सुचारु गराउन माग गरे।

धर्मशिला चापागाईँले सबै सांसदलाई समान व्यवहार गर्दै सबै सांसदले खर्च गर्नेगरी बजेटको व्यवस्था गर्न माग गरे।

ध्रुब कुमार शाहीले सुर्खेत जिल्लामा वर्षौदेखि भोगचलन गरिरहेकाहरुले जग्गा धनी पुर्जा नपाएको भन्दै सोको व्यवस्था गर्न सरकारको ध्यानाकर्षण गराए। नर बहादुर धामीले कञ्चनपुर जिल्लाका ७५ प्रतिशत जनताले जग्गाधनी पूर्जा नपाएको भन्दै तत्काल पूर्जा दिने व्यवस्था मिलाउन माग गरे।

पदम गिरीले निर्धारित समयमै स्वतन्त्र विद्यार्थी युनियनको निर्वाचन गर्न माग गरे। पुष्पा भुसाल गौतमले स्वतन्त्र विद्यार्थी युनियनको निर्वाचनमा प्रमुख प्रतिपक्षी दलले स्वीकार गरेन भनेर भ्रम सृजना गरी निर्वाचन रोक्ने काम भइरहेको भन्दै निर्वाचन हुन नसक्नुको कारणबारे सदनलाई जानकारी गराउन माग गरे।


Card image

वाइडबडी विमान खरिद : महाप्रबन्धक र सचिवलाई तत्काल बर्खास्त गरेर जेल हाल्नुपर्छ – सांसद यादव

नेपाल वायुसेवा निगमको दुईवटा वाइडबडी विमान खरिदबारे अध्ययन गर्न गठित संसदीय छानबिन उपसमितिका सदस्य प्रदीप यादवले विमान खरिदमा ठूलो घोटाला भएको भन्दै बहालवाला मन्त्री, सचिव र महाप्रबन्धकलाई तत्काल बर्खास्त गरी जेल हाल्नुपर्ने बताएका छन् ।
बिहीबार रिपोर्टर्स क्लब नेपालले आयोजना गरेको साक्षात्कारमा बोल्दै सांसद यादवले आफूहरुले १५ दिन लगाएर वाईडबडी खरिद प्रकरणको सत्यतथ्य बाहिर ल्याएको दाबी गरे । उनले भने,‘ठूलो मास्टर प्लान बनाएर वाईडबडी खरिदमा घोटाला भएको छ । खरिद गर्दा सार्वजनिक खरिद ऐनपनि मानेको छैन् ।’

क्लबका सभापति ऋषि धमलाको सभापतित्वमा आयोजित साक्षात्कारमा बोल्दै उनले जहाज ‘ग्लोबल टेण्डर’ नगरीकन किनिएकोपनि आरोप लगाए । उनले भने,‘फ्रान्ससँग किन डाईरेक्ट किनिएन ? भ्रष्टाचार गर्नकै लागि विचौलिया राखिएको छ ।’

उनले जहाज खरिदको नाममा युनियनका नेतासमेत गरि ३८ जना भोजभतेर खानको लागि भ्रमणमा गएको दाबी गरे । उनले थपे,‘भ्रमणको नाममा पनि करोडौं रुपैयाँ भ्रष्टाचार गरिएको छ ।’ उनले जहाज खरिदको ओरिजिनल बिल महाप्रबन्धक सुगतरत्न कंशकार र मन्त्री रवीन्द्र अधिकारीले सार्वजनिक गर्नुपर्ने बताए ।

छानबिन गर्दा आफूहरुलाई कुनै दबाब नआएको उनले स्पष्ट पारे । उनले भने,‘समितिलाई कुनै पनि दबाब आएको थिएन । तर, निगमका महाप्रबन्धक कंशकारबाट हामीलाई आवश्यक सहयोग भएन । उहाँले हामीले मागेको प्रतिवेदन दिनुभएन ।’

यादवले तत्काल महाप्रबन्धक कंशकारलाई निलम्बन गर्नुपर्ने बताए । प्रधानमन्त्री केपी शर्मा ओलीले भ्रष्टाचारीलाई हतकडी लगाउनुपर्ने उनको भनाई छ । उनले भने,‘यो प्रकरणका भ्रष्टाचारीहरुलाई हतकडी लगाउनुपर्छ । पर्दा पछाडि नायकहरुपनि होलान् । ती सबैलाई पर्दाफास गर्नुपर्छ ।’ उनले आफूहरुले बाहिर ल्याएको प्रतिवेदनमा उल्लेखित ४ अर्ब ३५ करोड ५६ लाख रकम घोटाला रकम बढ्नेपनि स्पष्ट पारे । उनले भने,‘यो आंशिक हो । ओरिजिनल बिल कहाँ गयो ? यो प्रकरणमा जो/जो संलग्न छन्, ती सबैलाई कारबाही गर्नुपर्छ ।’

प्रमुख प्रतिपक्षी दल नेपाली कांग्रेसका नेता चन्द्र भण्डारीले वाईडबडी खरिद प्रकरणमा भ्रष्टाचार गर्ने सबैलाई कारबाही गर्नुपर्ने बताए । उनले भने,‘यो प्रकरणमा मात्रै होइन, भ्रष्टाचार गर्नेजति सबैलाई कारबाही गर्नुपर्छ । जेल हाल्नुपर्छ । बदमास गर्नेहरुलाई कसैलेपनि छुट दिनुहुँदैन् ।’
नेता भण्डारीले सानालाई कारबाही र ठूलालाई छोड्ने काम भएको भन्दै अब त्यस्तो गर्न नहुने बताए । नेपालमा भ्रष्टाचार गरेर कमाउने र विदेशमा लगेर राख्ने गरेको सुनाउँदै उनले भने,‘नेपालको ईतिहाँसमा पहिलो चोटी वीरशमशेरले ४० करोड भारु विदेशमा लगेर राखेका थिए । अहिले नेपाल कमाउने र बाहिर विदेशमा लगेर राख्ने थलो भएको छ । जुन कुरा यहाँको जनताको जीवनस्तर हेरेर थाहा हुन्छ ।’

नेपालमा पछिल्लो समय भ्रष्टाचार र कमिशनतन्त्र बढेको सुनाउँदै जसले गलत गर्छ उसलाई कारबाही गर्नुपर्छ भनेर आफूहरुले भनिरहेको पनि जिकिर गरे । उनले भने,‘हामीले पञ्चायती व्यवस्थाको बेलामा पनि गधा काण्ड, चरेश काण्ड, उन काण्डदेखि प्लेन काण्ड सबै उठाएका हौं नि ।’
प्रधानमन्त्री केपी शर्मा ओलीले हत्यारापनि बालुवाटारमै छन् र यी भ्रष्टहरुपनि मेरै हुन र यी बालुवाटारमै छन् भनेजसरी बोलिरहेको उनले टिप्पणी गरे । उनले भने,‘प्रधानमन्त्रीले मैले यीनलाई बचाउनुपर्छ भन्ने शैलीमा, त्यो अर्थ लाग्नेगरि उहाँ बोलिदिनुहुन्छ । तर, उहाँले त्यो बोल्न हुँदैनथियो । उहाँले त बरु नेपालमा हत्या, हिंसा गर्ने र भ्रष्टाचारी जो सुकै होउन्, म उनीहरुलाई कारबाही गर्छु, म छोड्दिन भनेर बोल्नुपर्दथ्यो ।’

राज्यले केपी ओलीलाई बचाउनको लागि १८/२० करोड खर्च गरेको सुनाउँदै भण्डारीले भने,‘राज्यले उहाँलाई हत्यारा र भ्रष्टहरुलाई संरक्षण गर्नको लागि त्यत्रो रकम खर्च गरेको होईन ।’ देशलाई भ्रष्टाचारमा लैजाने कसैलेपनि उन्मुक्ति पाउन नहुने उनको धारणा छ । अख्तियार वा अदालतले भ्रष्टाचार गर्नेलाई उन्मुक्ति दिन्छ भने भोलिको सन्ततीले कानुन परिवर्तन गरेर भएपनि राज्यको सम्पत्ति फिर्ता गर्ने र कारबाही गरेरै छोड्ने पनि भण्डारीले उद्धघोष गरे ।

नेकपाका सांसद एवम् संसदको सार्वजनिक लेखा समितिका सदस्य अमनलाल मोदीले वाईडबडी खरिद प्रकरणमा लेखा समितिले भ्रष्टाचार गरेको ठहर गरे जोसुकै भएपनि कारबाहीको भागिदार हुने स्पष्ट पारे । उनले भने,‘वाइडबडी विमान खरिदबारे अध्ययन गर्न गठित संसदीय छानबिन उपसमितिको प्रतिवेदनबारे भोलि लेखा समितिमा छलफल हुन्छ । समितिले भोलि छलफल गरेर निश्कर्ष निकाल्छ । यो प्रतिवेदनमा तथ्य पुगेन भने फेरिपनि नयाँ विषयवस्तुहरुको थालनी हुन्छ । भ्रष्टाचार भएको ठहर भए हामी सम्बन्धित निकायलाई कारबाहीको लागि सिफारिश गर्छौं ।’
लेखा समितिले कारबाहीको लागि सिफारिश गर्दापनि कारबाही भएन भने कारबाही नगर्नेहरुलाई जनताले कारबाही गर्ने उनको भनाई छ । उनले भने,‘मन्त्रीमात्रै होईन, सम्पूर्ण दोषीहरुलाई कारबाहीको दायरामा ल्याउनुपर्छ ।’’

उपसमितिले यत्रो घोटाला भयो भनेर प्रतिवेदन ल्याईसक्यो अब मन्त्रीले राजिनामा दिनुपर्ने होईन भनेर पत्रकारको प्रश्नमा सांसद मोदीले भने,‘तर, नैतिकताको प्रश्न उठेको भन्ने कुरा छ, यसमा राजिनामा दिने कि वा अन्य विकल्प रोज्ने की भन्ने कुरा त्यो मन्त्रीको कुरा हो । तर, भोलि पूर्ण समितिमा छलफल हुँदैछ । त्यसपछि हामी हाम्रो कुरा राख्न सक्छौं ।’


Card image

कोरियामा रहेका समाजसेवीलाई सांसद यादवले सम्मान गरे


काठमाडौ माघ २१ गते । दक्षिण कोरियाको भ्रमणमा रहनु भएका संघीय समाज फोरम नेपालका पर्सा जिल्ला अध्यक्ष एवं सांसद प्रदीप यादवले दक्षिण कोरियामा रहेेे समाजिक सेवामा क्रियाशिल युवाहरू तथा कलाकारलाई सम्मान गर्नुभएको छ ।

मधेसी समाज दक्षिण कोरियाले सोमवार आयोजना गरेको बृहत् सांगितिक सौगात तथा अन्तरक्रिया कार्यक्रममा उहाँले सो सम्मान गर्नुभएको छ ।

 कार्यक्रममा भाग लिने कलाकार तथा कामको सिल सिलामा दुखमा पर्नै मधेशी समाजका साथीहरूलाई सहयोग गर्नै दक्षिण कोरिया स्थित मधेशी समाजका अगुवाहरूलाई उहाँले सम्मान पत्र प्रदान गर्नुु भएको छ ।

Card image

वाइडबडीमा ठूलो माछालाई जोगाउने काम भएको छ

वाइडबडी प्रकरणमा ठूला नेतालाई जोगाउने काम भइरहेको छ । सार्वजनिक लेखा समितिमा उपसमितिले तयार पारेको प्रतिवेदन पेस गरेको थियो ।

त्यसपछि सार्वजनिक लेखा समितिले त्यसमा व्यापक छलफल गरी एउटा निर्णय गर्यो । त्यो निर्णय के थियो भने पूर्व पर्यटन मन्त्रीहरु जीवन बहादुर शाही, जितेन्द्र देव र बहालवाला मन्त्री रवीन्द्र अधिकारीको हकमा कानुन कारवाहीका लागि अख्तियार दुरुपयोग आयोगमा सिफारिश गर्ने । उहाँहरुको नैतिक जिम्मेवारी भएको हुनाले उहाँहरुलाई कानुनी कारवाही गर्ने निर्णय भयो । सभापतिले पनि कारवाही अगाडि बढी सकेको छ ।


त्यसमा हामीले पनि छलफल गर्नुपर्छ भन्नुभयो तर एकहप्ता भन्दा बढी समय वित्दा पनि छलफललाई अगाडि बढाउनु भएन । अनि त्यसपछि मैले अवाज उठाउन थालेको हुँ । मैले संसदमा पनि यस विषयमा बोलेको हुँ । हामीले पनि प्रतिवेदन माग्दा उहाँले दिन अनाकानी गर्नुभयो ।

मैले कसो कसो गरी त्यो प्रतिवेदन हात पारेपछि त्यसलाई हेर्दा त त्यसमा धेरै कुरा काटछाँट गरिएको पाए । हामीले बुझाएको प्रतिवेदन हुबहु थिएन । त्यसैबाट मैले थाह पाए कि यसमा कुनै ठूलो खेल रहेको छ । उपसमितिले पेस गरेको प्रतिवेदनमाथि मुलसमितिमा पनि छलफल भयो । छलफलमा भएका निर्णयहरु त्यो प्रतिवेदनमा समावेश गर्नुपथ्र्यो । तर त्यसमा समावेश भएको मैले पाइनन् ।


 मन्त्री भएको कारणले नैतिक जिम्मेवारी लिने र कानुनी कारवाही गर्ने कुरा मुल समितिमा पत्रकार तथा सबै साथीहरुको रोहबरमा पास भयो । तर त्यो पन्ना नै गायब भयो । समितिले अख्तियारमा पठाएको प्रतिवेदन र सरकारलाई बुझाएको प्रतिवेदनमध्ये कुनैमा त्यो पाना थिएन । कानुनी कारवाही शब्द नै हटाइएको थियो । याने कि ठूला माछालाई बचाइएको छ र साना माछालाई पारिएको छ ।

प्रतिवेदनमा तीनैजना मन्त्रीको नाम त थियो तर त्यहाँबाट कानुनी कारवाही गर्ने शब्द नै हटाइएको थियो । नैतिक जिम्मेवारी लिनुपर्ने कुराले मात्र हुँदैन । लेखा समितिमा कानुनी कारवाही गर्ने कुरा पास भएको छ भने त्यसलाई हटाउन मिल्छ ? मिल्दैन नि । संसदीय मर्यादाको खिलाप हो त्यो । भोलीको दिनमा जनताले संसदप्रति विश्वास गर्दैन ।

 त्यसमा माननीय जितेन्द्रनारायण देवले अब्जेक्सन जनाउनु भएको छ । उपसमितिले २०७५ पुस १३ गते नागरिक उड्यन मन्त्रालयलाई पत्र पठाएर यो वाइडबडी प्रकरण शुरु हुँदाखेरी मन्त्रीहरु को को थिए, सचिव को को थिए, महाप्रबन्धक को को थिए सबैको लिस्ट मा गरेको थियो ।


 जब मन्त्रालयले नै जितेन्द्रनारायण देवको नाम पठायो कि यो मितिदेखि त्यो मितिसम्म मन्त्री हुनुहुन्थ्यो । त्यसपछि हामीले आफ्नो प्रतिवेदनमा उहाँको नाम लेखेको थिए । मन्त्रालयले दिएको जानकारीको आधारमा हामीले जितेन्द्र देवको नाम राखेका थियौं ।

उहाँ मन्त्री हुँदा आठ अर्व रुपियाँ गएको थियो । त्यो पैसा कहाँ किन गइरहेको छ त्यो उहाँले हेर्नुपथ्र्यो किन हेर्नुभएन, त्यसमा आशंका उब्जिएको छ । जहँँसम्म पूर्व प्रधानमन्त्री शेरबहादुर देउवाको कुरा छ । उहाँको बारेमा मन्त्रालयले पठाएको चिठीमा कुनै कुरा उल्लेख थिएन ।

कसैको नाम सुनेको भरमा लेख्न मिल्दैन थियो । उहाँको बारेमा बोल्न कागजी प्रमाण चाहिएको छ । मन्त्रालयले दिएको कागजात भन्दा बाहिर पनि हामी छानविन र खोजविन गरेका हौं । जे जे कागज खोज्यौं त्यो पाए हामीले । कागजको आधारमा हामी रिर्पोर्ट बनायौं । त्यसमा पूर्व प्रधानमन्त्रीको बारेमा कही केही उल्लेख थिएन ।

हामीले प्राप्त गरेको कागज अर्थ मन्त्रालय, सञ्चय कोष, नेपाल राष्ट्र बैको गभर्नरलाई पठाएका छौं, नागरिक लगानी कोषमा पठाएका छौ । मन्त्रालयका सचिवलाई पठाएका छौ, एयरलाइन्सका महाप्रबन्धकलाई पठाएका छौं । हामीले कसैलाई काखा पाखा गरेका छैनौ । यदि मन्त्रालयले गलत चिठी पठाएको छ भने त्यहाँका कर्मचारीलाई हथकडी लगाउनु पर्यो नि । हामी कागजको आधारमा हिड्ने हो, कानले सुनेको आधारमा हिड्ने होइन ।

तीनजनाको मन्त्रीको नाम
वाइडबडीमा तीनैजना मन्त्री जिम्मेवारी रहेको कुरा हामीले उल्लेख गरेर पठाएका थियौं । जीवन शाहीको पालामा एग्रीमेन्ट भएको छ र त्यहीबेला बैना रकम दिएको छ । जितेन्द्रनारायण देवको पालामा ८ अर्ब रुपियाँ दिएको छ भने रवीन्द्र अधिकारीले १६ अर्व रुपियाँ दिनुभएको छ । यस आधारमा उहाँ तीनैजना दोषी देखिएकाले तीनैजनालाई कानुनी कारवाही गर्नुपर्छ भनि प्रतिवेदनमा उल्लेख गरेका थियौं । तर, त्यस विषयमा निर्णय भएका पाना गायब गरि प्रतिवेदन पठाएको छ ।

 निर्णय भएको छ एउटा, पठाउँछ अर्को त्यो संसदीय मार्यादाको खिलाफ हो कि होइन ? संसदले नै यस्तो डुब्लीकेट काम गर्छ भने जनताले हामीलाई के भन्छ ?  जनताले संसदको निर्णयप्रति कहिल्यै विश्वास गर्दैन । जबसम्म नेता मिल्दैन तबसम्म भ्रष्टाचार हुँदैन । त्यसकारण त्यसमा कर्मचारी मात्र दोषी छैन, त्यसमा नेता पनि दोषी छन् । एउटा कर्मचारीले अर्बौको भ्रष्टाचार गर्दैन त्यसको पछाडी कुनै ठूलो तागत छ । त्यो तागत के हो, नेता नै हो ।

खरिद प्रकृया
नेपालको सार्वजनिक खरिद प्रकृया नै गलत छ । सर्वजनिक खरिद प्रकृया ऐन त्यसको प्रकृयामा नै गएको छैन । नयाँ जहाज खरिद गर्नुछ भने सावर्जनिक खरिद ऐनको २३६ (१) अनुसार खरिद गर्नुपर्छ । पुरानो जहाज खरिद गर्नुछ भने सार्वजनिक खरिद ऐन २३६ (२) अनुसार जानुपर्छ ।


सचिव एउटा कानुनको पालक हुनुहुन्छ उहाँ कानुन अनुसार काम गर्नुपथ्र्यो तर ऐन कानुन नै नमान्ने सचिव र कर्मचारी दोषी होइन ? त्यसलाई कारवाही गर्नुपर्दैन ? जो जो त्यो प्रकृयामा मुछिएका छन् त्यसमा हामी सबैको नाम लेखेका छौ । मन्त्रालयमा मन्त्री छन्, त्यहाँ भ्रष्टाचार भइरहेको छ भने मन्त्री के हेरेर बस्नु भएको छ । त्यसमा मन्त्री पनि दोषी हुनुहुन्छ भनेर नै हामीले मन्त्रीका नाम उल्लेख गरेका हौं ।


यसमा तीनैजना बराबरका दोषी हुनुहुन्छ । एकजना मन्त्रीले प्रकृया शुरु गरिसकेपछि त्यसैलाई दुईजना मन्त्रीले फ्लो गर्नुभयो, त्यसैले तीनैजना मन्त्री बराबरका दोषी हुनुहुन्छ । सुडान घटना जस्तै हो यो पनि । सुडान कण्डामा एउटा आइजीले गल्ती गर्नुभयो । उहाँ रिटायर्ड भएपछि अर्को आइजी आउनुभयो । उहाँले पनि अघिल्लो आइजीले गर्नुभएको कामको फ्लो गर्नुभयो । उहाँ पनि रिटायर्ड हुनुभयो तेस्रो आइजी आउनुभयो, उहाँले पनि त्यसअघिका आइजीले गर्नुभएको कामको फ्लो गर्नुभयो ।


त्यसमा तीनटै आइजी पर्नुभयो कि पर्नुभएन ? रमेश चन्द्र फरार नै हुनुहुन्छ, दुईजना जेलको सजाय भोगेर निस्किनुभयो । कुनै गल्ती एकजना मन्त्रीले गर्नुभएको छ, एकजना सचिवले गर्नुभएको छ, त्यसैलाई अर्को सचिव वा मन्त्रीले फ्लो गर्नुभयो भने दोषीको भागीदार उहाँ पनि बन्नुपर्छ । सबभन्दा मुख्य दोषी कसंकार हुनुहुन्छ । मन्त्री त साक्षी मात्र बन्नुभएको छ । त्यसलाई तागत र हौसला दिने काम मन्त्रीहरुले गर्नुभएको छ । तर भ्रष्टाचारका महानायक कंसकार हुनुहुन्छ ।


रवीन्द्र अधिकारीजीले सञ्चारमाध्यममा भन्नुभएको छ कि अन्तिम किस्ता नपठाउँदा नौ अर्ब रुपियाँ पनि डुब्थ्यो पैसा नडुबोस् भनेर नै अन्तिम किस्ता दिएको हुँ अनि त्यसमा म कसरी दोषी हुँ भन्नुभएको छ । यसमा पनि मन्त्रीजी झुठो बोलिरहनु भएको छ । उहाँ त बच्चा होइन नि । उहाँले तीन करोड नेपाली जनतालाई विश्वासमा लिनुपर्छ । उहाँलाई हामीले उपसमितिमा बोलाएर पैसा किन पठाउनु भयो भनि सोध्दा उहाँले भन्नुभयो कि महालेखापरिक्षकलाई सोधेर पैसा पठाएको छु ।’


बेरुजु देखाई सकेको छ भने तपाई पैसा किन पठाउनुभयो भनि सोध्दा उहाँले महालेखापरिक्षकलाई सोधेर पठाएको छु भनि जवाफ दिनुभयो । त्यसपछि हामीले महालेखापरिक्षक टंकमणि शर्मालाई बोलाएर साध्यौं । सोध्दाखेरी उहाँले भन्नुभयो, मन्त्रीजीले झुठो बोल्दै हुनुहुन्छ ।’ फेरि पत्रकार सम्मेलनमा मन्त्रीज्युले भन्नुभयो कि अदालतको निर्णय अनुसार पैसा पठाएको हुँ ।’ २०७४ पुस २७ गते अदालतको निर्णय आएको छ । नागरिक उड्यन प्राधिकारणले एयरबसका लागि टेण्डर आह्वान गर्दा त्यसमा ११ जनाले ग्लोबल टेण्डर हालेका थिए ।


११ जनामध्ये तीनजनाको ज्वाइन्ट भेन्चरमा टेन्डर पर्यो । केजीटी कम्पनीलाई टेण्डर परेन । र, उसले अदालतमा रिट दायर गर्यो कि गलत प्रकृयाबाट टेण्डर गर्यो यसमा देशको पैसा डुब्छ । तर, अदालतले भन्यो, तपाई टेण्डरमा पनि भाग लिने, तपाई बोलपत्रमा पनि बस्ने, टेण्डर खुल्ला गर्नेबेला त्यसमा पनि बस्ने, र आफू नपरेपछि अदालतमा मुद्दा हाल्ने ? तपाईमा फोल्ड छ त्यही कारणले तपाईको रीट खारेज गर्छौ ।’

यो कुरा अदालतले त्यो बेला भनेको थियो जुनबेला देशबाट एक रुपियाँ पनि बाहिर गएको थिएन । अनि मन्त्रीले कसरी भन्नुभयो कि अदालतसँग सोधेर मैले पैसा दिएको हुँ । एकजना देशका मन्त्रीले झुठो बेल्न मिल्छ ? झुठमाथि झुठ उहाँले बोलिरहनु भएको छ । अलिकति नैतिक जिम्मेवारी छ भने तुरुन्त राजिनामा दिनुपर्छ उहाँले ।

यदि मन्त्रीले आर्थिक चलखेल गर्नुभएको छैन, कुनै शुभलाभ लिनुभएको छैन भने उहाँले यति झुठो बोल्ने आवश्यकता नै छैन । कहिले अदालतको नाम लिने, कहिले टंकमणिको नाम लिने, भोली गएर प्रधनमन्त्रीको नाम लिन पनि बेर लगाउनु हुन्न उहाँले ।

म समितिको बैठकमा लिखित फरकमत राख्छु । म सभापतिलाई प्रश्न गर्छु र उहाँले त्यसको जवाफ दिनुपर्छ । म त यो कुरा संसदमा बोलेको छु कि सभामुखज्यु म सांसद हुँ, लेखा समिति र त्यसको उपसमितिको सदस्य पनि हुँ तर लेखा समितिले तयार पारेको प्रतिवेदन अहिलेसम्म मेरो हातमा आएको छैन । लेखा समितिका सचिव र सभापतिले पनि मलाई प्रतिवेदन दिन आनाकानी गरिरहनु भएको थियो अनि म लेखा समितिमा गएर जवर्जस्ती लिए । त्यसमा हेर्छु त मन्त्रीहरुको नामै थिएन । प्रधानमन्त्रीले देशलाई समृद्ध बनाउँछु भनि सपना देख्नुभएको छ ।

सुशासन कायम गर्ने भन्नुभएको छ । भ्रष्टाचार शुन्यमा झार्छु भन्नुभएको छ तर एकजना जिम्मेवारी सभापतिले निर्णय भएका पाना नै गायब गर्नुहुन्छ भने त्यसलाई के भन्ने । ‘विभागीय मन्त्रीको रुपमा बहाल रहेका अवस्थामा यथेष्ट सतर्कता नअपनाएको देखिदा नीजहरुले नैतिक जिम्मेवारी लिन र सो सम्बन्धमा नीतिगत व्यवस्था गर्न नेपाल सरकारलाई निर्देशन गर्ने’ भनि प्रतिवेदनमा उल्लेख छ तर कानुनी कारवाहीको शब्द खोइ त जुन कुरा निर्णय भएको थियो ।

अरु दल किन बोल्दैन ?
दुईटा पार्टीका नेताहरु त्यस प्रकरणमा परिरहनु भएको छ । बचाउने खेल भइरहेको छ । ठूलो षड्यन्त्र भइरहेको छ । जनताको खुन पसिनाबाट खरिद भएको जहाजमा भ्रष्टाचार भएको छ । तर संसदमा म्याच फिक्स भइसकेको छ । टी ट्वाइन्टीको म्याच फिक्स छ ।

 ठूलोलाई बचाउने र सानोलाई जाकने काम भएको छ । जबसम्म महाजाल बन्दैन तबसम्म ठूलो माछा पर्दैन । म सत्य तथ्यको आधारमा बोलिरहेको छु । निर्णय एउटा हुन्छ, सार्वजनिक अर्को हुन्छ अनि कसरी जनताले हामीमाथि विश्वास गर्छ । यो केसमा सत्तापक्ष र विपक्षि दुवै मिलिसकेका छन् । यदि नमिलेको भए उहीले यो कुरा बाहिर आइसकेको हुन्थ्यो तर म अन्तिमसम्म एक्लै लड्न तयार छु । किनभने म सत्यका लागि लडिरहेको छु ।


हाम्रा पार्टीका अध्यक्ष एवं उपप्रधानमन्त्री उपेन्द्र यादवले पनि प्रधानमन्त्रीलाई ज्ञापनपत्र बुझाउनु भएको छ कि देशमा भ्रष्टाचार मौलाएको छ । सरकारको जहाज डुेब्ने अवस्थामा पुगिसकेको छ । डुब्ने जहाजमा हामी बस्दैनौ कुनैबेला झर्न सक्छौ ।

सरकारको रवैया यस्तै रहि रह्यो भने हामी त्यो जहाजमा बस्दैनौ । हाम्रो काम हो खबरदारी गर्ने । हामी गठबन्धनमा छौं । गठबन्धनको काम हो कहाँ गडबड भइरहेको छ त्यसमा सचेत गराउने । भ्रष्टाचार भइरहेको छ, त्यसलाई रोक्नुस्, त्यसलाई कारवाही गर्नुस् भनिरहेका छौं तर सरकारले सुनेनन् भने हामी डुब्ती नैयामा बस्नसक्दैनौ ।


प्रतिवेदनमा जुन प्रकारको खेल भएको छ त्यसले म दुखि छु । जनताको नजरमा हामीलाई गिराउने काम भएको छ । संसदलाई ढाँट्ने काम भएको छ । वाइडबडीमा खुल्लेयाम ठूलो भ्रष्टाचार भएको छ । यस्तो भ्रष्टाचार नेपालमा कहिले भएको थिएन । यसलाई खोतल्दै जाने हो भने धेरैजना पर्छ यसमा । भ्रष्टाचारका महानायक कंसकार मात्र होइन, खलनायक पनि धेरै छन् ।

त्यसलाई यसलाई खोज्नुपर्छ । प्रधानमन्त्रीलाई म भन्न चाहन्छु कि भ्रष्टाचारलाई उन्मुक्ति दिनुभयो भने देशमा अधिनायकवाद आउँछ । बहुमतको दम्भले भ्रष्टाचारीलाई जोगाउनु हुँदैन । बहुमतको निर्णयले कहि पनि भ्रष्टाचारी जोगिएको छैन । भ्रष्टाचारी ठहर गर्ने काम अख्तियारको हो । अख्तियारले के गर्छ के गर्दैन त्यो त पछि थाह हुन्थ्यो तर समितिले नै निर्णय उल्टायो । यो नहुने कुरा हो । किन उल्टायो निर्णय मेरो प्रश्न त्यहाँ छ ।

Card image

मुसहरलोग के पक्का के घर मे रहेके सपना पुरा करतारन सांसद यादव

आस । बीरगंज फागु ०२ ।

वीरगन्ज महानगरपालिका वार्ड नम्बर २२ मनियारी मे सालो से खर के झोपडी मे रहत आईल मुसहरसब अब नयाँ पक्का के घर मे रहियन ।

मनियारी मे रहल दलित वस्ती के मुसहर जात के ४२ घरपरिवार एक करोड रोपेया के लागत मे बुध के दिन नमुना मुसहर वस्ती के निर्माण सुरु होखेवाला भईला से अब ओतहा के मुसहरसब पक्का के घर मे रहियन ।

मुसहरवस्ती मे पर्सा क्षेत्र नम्बर १ के प्रतिनिधीसभा सदस्य(सांसद)प्रदीप यादव आपन निर्वाचन क्षेत्र के स्थानीय पूर्वाधार कोष से नमूना मुसहरवस्ती बनावे लागल बाडन । नमुना मुसहरवस्ती मे गरीब मुसहर जात के खातिर ४२ गो एक तल्ला पक्का के घर आ हरेक घर के खातिर एगो पईखाना भी बनी ।

बुध के सांसद यादव द्धारा शीलन्याश भईल नमूना मुसहरवस्ती के निर्माण कार्य चालु आर्थिक वरीष के असाढ मसान्त भीतर ओरीयाएके लक्ष्य रहल इन्जिनियर राजेश कुमार जानकारी करवनी ।

सांसद यादवल के कहनाम वीरगन्ज महानगरपालिका क्षेत्र मे रहल मनियारी, नगवा आ बेल्वा मे करके तीन जगह मे मुसहरवस्ती रहल बा । माकिर खोजतालस के बाद ई तीनु मेसे सबसे बेसी खराब आ पिछडल अवस्था मे मनियारी के मुसहरवस्ती हि रहल ओहि से पहिलका चरण मे नमूना मुसहरवस्ती निर्माण के खातिर मनियारी के मुसहर वस्ती के चुनल गईल ।


नमुना मुसहरवस्ती मे स्कुल भी बनेके घोषणा सांसद यादव कईनी । जगदम्बा सिमेन्ट प्रालि के निर्देशक राजेश अग्रवाल नमुना मुसहरवस्ती मे स्कुल के घर बनइयन कहके जानकारी देहनी । एकरा बाद दोसर का चरण मे नगवा आ बेल्वा के मुसहर सभन के खातिर भी आपना से नमुना मुसहरवस्ती बनादेवे के प्रतिबद्धता उहाँ के शीलन्याश कार्जक्रम मे कईनी ।

चुनाव के बेरीया आपना से जनता से कईल वचन के पुरा कररहला से आत्मसन्तुष्टि मिल रहल बतवनी । चुनाव के बेरीया जनता के आगे जवन भी कसम खईनी उ सभी आपन कार्यकाल मे पुरा करेम कहे बतवनी । आपन कार्यकाल मे पर्सा क्षेत्र नम्बर १ के केहु भी जनता घर विहिने नारहेके भी उहाँ के घोषणा कईनी ।

कैयन बरीष से माटी आ खर से बनल छोट झोपडी मे कठिनाई के जीवन बितारहल मनियारी के मुसरसब के नयाँ पक्का के घर मे रहेके मिललाबाद बहुते खुश भईल बाडन् ।

शीलन्याश कार्जक्रम मे प्रदेशसभा सदस्य जन्नत अन्सारी, वीरगन्ज महानगरपालिका के प्रमुख प्रशाकीय अधिकृत डाक्टर भीष्म कुमार भुषाल, संघीय समाजवादी फोरम नेपाल पर्सा के प्रवक्ता रामनरेश राय यादव लगायत के भी उपस्थिती रहे ।

Card image

Lorem ipsum

Lorem ipsum dolor sit amet, consectetur  adipiscing elit, sed do eiusmod tempor  incididunt ut labore et dolore magna 

Card image

Lorem sit amet

Lorem ipsum dolor sit amet, consectetur  adipiscing elit, sed do eiusmod tempor  incididunt ut labore et dolore magna 

Card image

Lorem ipsum dolor

Lorem ipsum dolor sit amet, consectetur  adipiscing elit, sed do eiusmod tempor  incididunt ut labore et dolore magna 

Card image

सत्तापक्षीय सांसद भन्छन्– एक वर्षमा मन्त्रीहरु समृद्ध भए, नेपालीहरु दु:खी

काठमाडौं– सत्तारुढ संघीय समाजवादी फोरमका सांसद प्रदीप यादवले सरकारले व्यतित गरेको एक वर्षमा मन्त्रीहरुमात्रै समृद्ध भएको बताएका छन्।

बुधबारको प्रतिनिधिसभा बैठकमा बोल्दै सांसद यादवले भ्रष्टचार बढेको भन्दै आपत्ति व्यक्त गरे।

‘सरकारले एक वर्ष पूरा गर्‍यो। सरकारको लक्ष्य थियो, नेपालीलाई सुखी बनाउने र नेपाललाई समृद्ध बनाउने’, उनले भने, ‘तर, नेपाली सुखी कहिले हुन्छ? यो एक वर्षमा मन्त्रीहरु समृद्ध भइसके, नेपालीहरु पनि धेरै दुखी भइसके।’

यादवले राजीनामा दिएका अख्तियारका आयुक्तमाथि कारबाही प्रक्रिया तिब्र गतिमा अगाडि बढेको तर वाइडबढी जहाजबारे सबै चुप लागेको बताए। ‘वाइडबडी जहाजमा ठूलो भ्रष्टाचार भयो। तर यो भ्रष्टाचारमा सरकार किन चुप लागेर बस्यो?’, उनले प्रश्न गरे।

‘सार्वजनिक लेखा समितिले गोलमाल गरेर पनि केही प्रतिवेदन पठायो। महिनौं बित्यो, तर सरकारले त्यसलाई सार्वजनिक गरको छैन। अख्तियारले पनि सार्वजनिक गरेको छैन’, उनले सोधे, ‘यो के हो, मैले बुझिरहेको छैन। जनता निराश भइसके। वाइड बडीमा भ्रष्टाचार भइसक्दा पनि न सरकार पक्षको कोही बोल्छ, न प्रमुख प्रतिपक्षको कोही बोल्छ।’

उनले प्रतिपक्षी दलप्रति पनि असन्तुष्टि व्यक्त गरे। ‘दुई जना नेताको नामको अस्पतालको विषयमा १५ दिन संसद अवरुद्ध भयो तर वाइडबडीमा कसैले एक दिन पनि टेबल ठटाएको छैन। यो के भइरहेको छ? हामी अलमलमा परिरहेका छौं’, उनले भने।

‘सुगतरत्न कंसकार भ्रष्टाचारी हुन्, भ्रष्टाचारको नायक हुन् भन्ने प्रमाणित भइसकेको छ। मन्त्री पनि झन्डा फरफराएर घुमिरहेका छन्। तर सरकारले उसलाई कारबाही गरेको छैन, निलम्बन गरेको छैन। अहिलेसम्म मजाले घुमिरहेका छन्’, उनले भने।

भ्रष्टाचारको अवस्था यस्तै रह्यो भने देशमा अधिनायकवाद आउने उनले बताए। ‘यस्तो स्थिति रह्यो भने र भ्रष्टाचारीलाई यसैगरी उन्मुक्ति दिने हो भने देशमा भयावह स्थिति आउँछ’, उनले थपे, ‘सांसद र सरकारप्रति जनतामा भरोसा उड्छ। देशमा अधिनायकवाद आउन सक्छ।’

PRADIP YADAV

Member of parliament